對未存在的故鄉. 三〔移．住．迴旋〕的觀眾回應

對未存在的故鄉. 三〔移．住．迴旋〕的觀眾回應
震
其實睇到中段或最後，已經有很強烈的沉重歷史的感覺，而個種感覺坦白說都有點辛苦，因為佢係不斷咁掙開你的眼界，就好像我睇未存在一選段時睇到葉劉個段， 我發覺我之前既人生係從來冇聽過呢件事，係留左好大塊空白，而個種空白係令到我有些恐怖，點解可以從來都冇接觸過，就像活在另一個時空，而今次所講的東南 亞的歷史亦都係一樣，感覺好近(可能好多我地既上上一代都生活過既地方)，但都係從來無接觸過。另外，可能因為我係福建人的關係啦，聽到部份話都會覺得熟 悉，亦都令我覺得係香港其實好少一啲相關既影片/渠道去紀錄一啲呢啲語言既地方歷史，同埋就係片頭一開始講左句『呢個係我既故事，亦都唔全然係我既故 事』，其實就好似一友人講就係話，我地每個人都係歷史，做既決定都係改緊歷史，好似係好個人，但又唔個人，但社會又唔會報導出來個喎，所以就係好多呢啲好 細節位。至於電影亦出現好多唔同layer會疊在一起的晝面，我理解就係想表達其複雜性和象徵性。同埋一啲晝面既顏色都係contrast 好大，以及係偏黑白。仲有一樣就係我覺得呢套片有不但係有回應到依家『本土』個種講法，而且更加多一層既就係資本同權力合一既有錢佬用佢地既能力去剥削人 力、資源，再令啲人閙番同自己唔同種族/身份既人，大家不停指責大家，但係唔自覺呢種係當權者既陰謀。同埋最後首歌好好聽，好似令人抒了一口氣(對整個未 存在系列)，唔至於無力感過重，會嘗試搵一啲著力點。